Antes de vir...

Vou a patinar sobre xeo por primeira vez. Que necesito?

Patinar sobre xeo é tan doado como divertido, pero para gozar ao máximo desta actividade precisamos levar roupa axeitada e tamén ter en conta unhas poucas recomendacións moi sinxelas. Para todos aqueles que acudides a unha pista de xeo por primeira vez, temos preparada unha serie de consellos que farán que a vosa estrea cos patíns sexa unha experiencia gratificante ao 100%:

Equipamento

É obrigatorio o emprego de luvas se queremos patinar porque é inevitable sufrir caídas e as mans servirannos de punto de apoio para erguernos. Tamén é recomendable usar gorro e bufanda. Debemos ter en conta que imos practicar unha actividade deportiva, polo que o noso corpo desprenderá máis calor do habitual. Isto significa que non nos debemos abrigar en exceso, pero tampouco desprender máis calor da habitual. O ideal é levar roupa deportiva e sempre de manga longa, que nos facilite o movemento e que á vez nos aporte calor, xa que a temperatura ambiente na pista varía entre os 10 e os 15 graos centígrados. Por esta mesma razón hai que evitar levar saia ou pantalón curto, xa que calquera superficie do noso corpo que poida dar no xeo debe estar ben protexida. Outra recomendación é o emprego de calcetíns altos que nos permitirán estar máis cómodos dentro dos patíns.

E por último, non esquezas levar a túa cámara para sacar fotografías e subilas ás túas redes sociais favoritas mentres gozas dun bo día patinando cos teus amigos.

Patíns axustados

Para un mellor deslizamento sobre a pista é fundamental que os patíns se axusten aos nosos pés, xa que se non é así haberá unha perda sensible de agarre, polo que deben estar ben atados para impedir que o nocello se saia da bota.

Se tes dúbidas, consúltallas á persoa que chos aluguo e, por suposto, se queres podes empregar os teus propios patíns en lugar de alugalos.

Primeiros pasos

Comeza a patinar separando as puntas dos pés e flexiona os xeonllos e nocellos para ter un mellor equilibrio, de xeito que o peso do corpo recaia sobre os talóns. Se o primeiro día che pode acompañar alguén que xa patinase sobre xeo, pois moito mellor, pero senón sempre podes contar cos monitores para que te axuden. Recorda patinar sempre na dirección marcada polos organizadores.

Caídas

Como diciamos antes, as caídas son unha parte inevitable en toda aprendizaxe, así que debemos ter en conta algúns consellos cando esteamos no chan. Para erguerse nunca debemos poñernos de pé coas coitelas apoiadas no xeo, xa que podemos deslizarnos hacia diante, o que se traducirá case seguro nunha nova caída. Aínda que é tentador, non é moi recomendable ir da man de alguén nos seus primeiros pasos porque en caso de que haxa unha caída tan só servirá para arrastrar a outra persoa ao chan.

Aprender a patinar sobre xeo require dun tempo de aprendizaxe, pero xa veredes como enseguida lle colledes o xeito. É moi doado e divertido! Animámosvos a que probedes esta experiencia nas nosas pistas ao longo deste outono e inverno.

Contact Us

We're not around right now. But you can send us an email and we'll get back to you, asap.

Empieza a escribir y pulse Intro para buscar